Rusiyada son bir gündə daha 8 404 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 493 657 nəfərə çatıb.

Ölkədə virusdan ölənlərin sayı isə daha 216 nəfər artaraq 6 358-yə yüksəlib.

Bundan başqa, Rusiyada indiyədək koronavirusa yoluxan 252 783 nəfər sağalıb.

Bildirilib ki, yeni yoluxmaların əksəriyyəti paytaxt Moskvada aşkarlanıb – 1 195 nəfər.