Gürcüstan parlamentin sədri Arçil Talakvadze Türkiyənin bu ölkədəki səfiri Fatma Ceren Yazqanla görüşüb.

“Report”un yerli bürosu xəbər verir ki, bu barədə Gürcüstan parlamentinin Mətbuat xidməti məlumat yayıb.

Görüşdə Gürcüstan və Türkiyə arasında ələqalər, parlamentlərarası və ticari-iqtisadi əməkdaşlıq məsələləri müzakirə olunub.

A.Talakvadze və F.C.Yazqan iqtisadi əməkdaşlığın dərinləşdirilməsi, Gürcüstanda biznes mühit və Türkiyə investisiyaları üçün imkanları da nəzərdən keçiriblər.

Görüşün əsas müzakirə mövzularından biri regiondakı vəziyyət və təhlükəsizliyə təhdidlər olub.

Səfir Türkiyənin Gürcüstanın suverenliyi və ərazi bütövlüyünü dəstəkləməsi ilə bağlı mövqeyini bir daha diqqətə çatdırıb.