Azərbaycanda əhalinin banklardakı əmanətlərinin dollarlaşma səviyyəsi 2019-ci il yanvarın 1-nə 62,48% təşkil edib.

Bakıxəbər.az bu barədə Azərbaycan Mərkəzi Bankına (AMB) istinadən xəbər verir.

Hesabata əsasən, dollarlaşma səviyyəsində aylıq müqayisədə 0,08 faiz bəndi azalma qeydə alınıb.

Qeyd edək ki, sözügedən nisbət 2018-ci il dekabrın 1-nə 62,56%, noyabrın 1-nə 63,54%, oktyabrın 1-də 62,55%, sentyabrın 1-də isə 63,01% olub. Başqa sözlə, sentyabrda əmanətlərin dollarlaşması 0,46% bəndi, oktyabrda 0,99% bəndi azalıb. Hesabata əsasən, dollarlaşma səviyyəsi 2018-ci ilin əvvəlinə 66,5% olub.

Azərbaycan əhalisinin banklardakı əmanətlərinin məbləği 2019-ci il yanvarın 1-nə 8 375,4 mln. manat təşkil edib ki, bunun da 5 233,2 mln. manatı xarici valyutada yerləşdirilib.