Mingəçevir Mərkəzi xəstəxananın doğum şöbəsində yeni il gecəsi 5 oğlan uşağı dünyaya gəlib, onlardan ikisi əkizdir.
Bu barədə Bakıxəbər.az saytına məlumat verən xəstəxananın həkim neotoloqu Nazilə Nürəddinqızı bildirdi ki, 2020-ci ilin ilk günü gecə saat 12-dən sonra 5 oğlan uşağı dünyaya gəlib: “Onlardan ikisi əkizdir. Hal-hazırda anaların və uşaqların vəziyyəti kafidir. Analar yeni doğum etdiklərinə görə intensiv şöbədədilər”.

7 ildən sonra yeni ildə ailəyə iki oğlan uşağı dünyaya gətirən Günay Mikayılova Yeniavaz.com saytına məlumat verərək bildirdi ki, 7 ildir övladı olmayıb: “2020-ci ilin ilk günü iki əkiz oğlan dünyaya gəldi. Çox sevincliyəm, uşaqların da vəziyyəti yaxşıdır. Çox böyük sevinc hissi yaşayıram, ailəmə yeni ildə bu şirinləri bəxş etdiyim üçün”.